Մադրիդի «Ատլետիկոյի» գլխավոր մարզիչ Դիեգո Սիմեոնեն Չեմպիոնների Լիգայի խմբային փուլի 3-րդ տուրում «Լիվերպուլին» պարտվելուց (2:3) հետո չի սեղմել մերսիսայդյան ակումբի գլխավոր մարզիչ Յուրգեն Կլոպի ձեռքը:
Մրցավարի եզրափակիչ սուլիչից անմիջապես հետո արգենտինացի մասնագետը հեռացել է դաշտից, երբ Կլոպը մոտենում էր նրան:
Նախկին ֆուտբոլիստներ Պիտեր Քրաուչը և Ջոլեոն Լեսքոթը, ովքեր բրիտանական հեռուստատեսությունում փորձագետներ են աշխատում, քննադատել են «Ատլետիկոյի» գլխավոր մարզչի արարքը:
Քրաուչն ասել է, որ Սիմեոնեն այդկերպ «ինքն իրեն նվաստացրել է», իսկ Լեսքոթն ավելացրել է, որ մարզիչը «վախկոտ գտնվեց»:
