Չեմպիոնների Լիգայի խմբային փուլի առաջին տուրում «Մանչեսթեր Սիթին» հաղթեց «Լայպցիգին» (6:3):
«Քաղաքաբնակների» կիսապաշտպան Ջեք Գրիլիշի համար այս հանդիպումը դեբյուտային էր այս մրցաշարում: Կիսապաշտպանը գոլ խփեց ու գոլային փոխանցում կատարեց:
Ինչպես նշում է Opta-ն, Գրիլիշը դարձավ Անգլիայի պատմության երկրորդ ֆուտբոլիստը, ով գոլ + գոլային փոխանցում է կատարել Չեմպիոնների Լիգայի դեբյուտային խաղում:
Հիշեցնենք, որ Գրիլիշը «Մանչեսթեր Սիթի» է տեղափոխվել նախորդ ամռանը «Ասթոն Վիլայից»:
Ընթացիկ մրցաշրջանում նա վեց հանդիպում է անցկացրել «քաղաքաբնակների» կազմում՝ դառնալով երկու գոլի և երկու գոլային փոխանցման հեղինակ: