Մադրիդի «Ռեալի» դարպասապահ Անդրեյ Լունինը հուզիչ կերպով հրաժեշտ տվեց Ուկրաինայի հավաքականի նախկին գլխավոր մարզիչ Անդրեյ Շևչենկոյին:
Ֆուտբոլիստը շնորհակալություն հայտնեց մարզչին կատարված աշխատանքի և ցուցաբերած վստահության համար:
«Անդրեյ Նիկոլաևիչ, ես ուզում եմ շնորհակալություն հայտնել ձեզ ազգային հավաքականում միասին անցկացրած ժամանակի համար: Ես նաև կցանկանայի շնորհակալություն հայտնել ձեզ իմ հանդեպ հավատքի, իմ երազանքը իրականացնելու համար:
Ձեր շնորհիվ ես կրեցի ազգային թիմի մարզաշապիկը, նշեցի իմ նորամուտը, ներկայացրեցի մեր երկիրը: Սա մեր երկրի ցանկացած ֆուտբոլիստի, ցանկացած տղայի երազանքն է: Բացի այդ, շնորհակալություն, որ դժվար պահերին շարունակեցիք հավատալ ինձ, խաղաժամանակ տրամադրելով:
Շնորհակալություն թիմում տիրող մթնոլորտի, այն հույզերի համար, որոնք մենք միասին ապրեցինք: Ձեր շնորհիվ ես շատ բան տեսա, շատ բան սովորեցի: Մաղթում եմ ձեզ հաջողություն ձեր կյանքի նոր փուլում», – ասել է Լունինը vZbirna-ին տված հարցազրույցում:
Հիշեցնենք, որ Անդրեյ Շևչենկոն օգոստոսի սկզբին հայտարարել էր Ուկրաինայի հավաքականի հետ պայմանագրի ավարտի մասին:
