Չեմպիոնների Լիգայի որակավորման երրորդ փուլի «Բենֆիկա» – «Սպարտակ» պատասխան հանդիպման գլխավոր մրցավար է նշանակվել Էնթոնի Թեյլորը, այդ մասին հայտնում է օգոստոսի 6-ին կարմիր–սպիտակների պաշտոնական կայքը:
42-ամյա անգլիացուն կօգնեն իր հայրենակիցները՝ Գարի Բեսվիկը և Ադամ Նանը, չորրորդ պաշտոնյան կլինի Դեյվիդ Կոտը:
Թեյլորը աշխատում էր Անգլիայի Պրեմիեր Լիգայում 2010 թվականից, իսկ միջազգային դեբյուտը նշել էր 2013 թվականին: Նա աշխատել է Եվրո 2020-ի ժամանակ և բարձր գնահատանքի է արժանացել Դանիա – Ֆինլանդիա խաղում իր գործողությունների համար, երբ Քրիստիան Էրիկսենը շտապ բժշկական օգնության կարիք ուներ:
«Բենֆիկա» – «Սպարտակ» հանդիպումը կկայանա օգոստոսի 10-ին: Սկիզբը՝ Երևանի ժամանակով 22:00-ին: