Կատալոնական «Բարսելոնայի» մարզական տնօրեն Դեկուն ցանկանում է թիմ հրավիրել Անգլիայի Պրեմիեր լիգայի կիսապաշտպանի։
Ըստ Sport-ի, մասնագետին շատ է դուր գալիս Ամադու Օնանան «Էվերթոնից»: Միաժամանակ, աղբյուրը հայտնում է, որ տրանսֆերը գրեթե անհնար է համարվում «Էվերթոնի» փոխհատուցման մեծ պահանջների պատճառով։
«Բարսելոնան» ֆինանսական խնդիրներ ունի և չի կարող իրեն թույլ տալ վճարել մոտ 60-70 միլիոն եվրո։
Նշենք, որ Օնանային կապում են այնպիսի ակումբների հետ, ինչպիսիք են Լոնդոնի «Արսենալը» և Մյունխենի «Բավարիան»:
22-ամյա բելգիացին արդեն երկու մրցաշրջան է անցկացրել Պրեմիեր լիգայում՝ 2022 թվականին «Լիլից» տեղափոխվելուց հետո։
