«Յուվենտուսը» համաձայնել է թիմի նոր գլխավոր մարզիչ նշանակել Տիագու Մոտտային՝ Մասիմիլիանո Ալեգրիի պաշտոնանկությունից հետո, հայտնում է հայտնի ինսայդեր Ֆաբրիցիո Ռոմանոն։
Նշվում է, որ 41-ամյա մասնագետը, ով գլխավորում է «Բոլոնիան», արդեն տեղեկացրել է ակումբին իր հեռանալու մասին «Յուվենտուս», որի հետ պայմանագիր կկնքի մինչև 2027 թվականի ամառ։
Մոտտայի գլխավորությամբ «Բոլոնիան» ապահովեց մասնակցությունը Չեմպիոնների Լիգային հաջորդ մրցաշրջանում և «Յուվենտուսի» հետ կիսում է 3-4-րդ տեղերը Ա Սերիայի մրցաշարային աղյուսակում, մինչև առաջնության ավարտը մնացել է մեկ տուր։
