«Էվերթոնի» կիսապաշտպան Դելե Ալլին հայտարարել է, որ մտադիր է վերադառնալ Անգլիայի հավաքական՝ մասնակցելու 2026 թվականի աշխարհի առաջնությանը։

«Ես գիտեմ իմ մակարդակը և ինչի կարող եմ հասնել: Ես գիտեմ, թե որքան լավը կարող եմ լինել, երբ գլուխս տեղում է, և ես ինձ լավ եմ զգում: Իհարկե, վիրավորված եմ վնասվածքից, բայց անհամբեր սպասում եմ խաղադաշտ վերադառնալուն: Ինձ համար դժվար է կողքից ֆուտբոլ դիտելը։

Ժամը 11:00-ին իմ հեռախոսում ամենօրյա հիշեցում ունեմ՝ «Աշխարհի գավաթ 2026»: Սա է իմ ներկայիս նպատակը։ Ես գիտեմ, որ մարդիկ կասեն. «Նա մեկ տարի չի խաղացել», բայց դա ինձ չի հետաքրքրում, ես գիտեմ իմ մակարդակը: Աշխարհի առաջնությունում հանդես գալն այժմ իմ միակ նպատակն է։

Այս պահին այն ամենը, ինչի մասին կարող եմ մտածել, վնասվածքը բուժելն ու աշնան լավագույն մարզավիճակում լինելն է»,- ասել է Ալին Sky Sports-ին։

28-ամյա կիսապաշտպանը վնասվածքի պատճառով խաղադաշտ դուրս չի եկել 2023 թվականի փետրվարից և ամռանը կդառնա ազատ գործակալ։