«Բավարիայի» մարզական տնօրեն Մաքս Էբերլը խոսել է մյունխենյան ակումբում 29-ամյա կենտրոնական կիսապաշտպան Լեոն Գորեցկայի ապագայի մասին։
«Լեոն բարձրակարգ ֆուտբոլիստ է, և ես շատ եմ գնահատում նրան, ինչպես նաև նրա մարզավիճակն ու կարգապահությունը: Լեոն թիմի կարևոր մասն է։
Սակայն, թիմի կազմի վրա ազդում է մարզչի որոշումը։ Անհերքելի փաստ է, որ Լեոն Գերմանիայի հավաքականի ֆուտբոլիստ է և կարող է կարևոր դեր խաղալ «Բավարիայում», – Էբերլի խոսքերը մեջբերում է լրագրող Ֆլորիան Պլետենբերգը X սոցիալական ցանցում (նախկինում՝ Twitter):
Այս մրցաշրջանում Գորեցկան բոլոր մրցաշարերում մասնակցել է 31 հանդիպման, որոնցում դարձել է 4 գոլի և 9 գոլային փոխանցման հեղինակ։ Ֆուտբոլիստի ներկայիս աշխատանքային պայմանագիրն ակումբի հետ նախատեսված է մինչև 2026 թվականի ամառը: Transfermarkt պորտալում ներկայացված տեղեկատվության համաձայն՝ ֆուտբոլիստի շուկայական արժեքը կազմում է 30 միլիոն եվրո:
