«Մանչեսթեր Սիթիի» և Պորտուգալիայի հավաքականի կիսապաշտպան Բերնարդու Սիլվան խոստովանել է, որ կցանկանար մի օր վերադառնալ «Բենֆիկա», սակայն ընդգծել է, որ ներկայումս նման տրանսֆերը քիչ հավանական է «արծիվների» ֆինանսական հնարավորությունների պատճառով։
«Ես երբեք չեմ թաքցրել, որ կցանկանայի վերադառնալ «Բենֆիկա», ուստի, իհարկե, ուզում եմ դա անել: Բայց տեսնենք, թե ինչ կլինի հետո: Պետք չէ անընդհատ այդ մասին խոսել:
Պետք է ապրել իրական աշխարհում, պորտուգալական ֆուտբոլը չի կարող ֆինանսապես մրցել անգլիական, իսպանական, նույնիսկ գերմանական ու ֆրանսիական ակումբների հետ։
Եթե ես ցանկանայի գնալ «Բենֆիկա» այժմ, դա լիովին անհնար կլիներ, քանի որ «Մանչեսթեր Սիթին» ինձ համար մեծ գումար կխնդրեր:
Վերջին 4-5 տարիներին իմ արժեքը գերազանցել է 50 միլիոն եվրոն, իսկ պորտուգալական ակումբի համար դա անհնարին գումար է։ Մարդիկ պետք է իրատես լինեն»,- ասել է Սիլվան A Bola-ին տված հարցազրույցում:
