Վերջին շրջանում խոսակցություններն ակտիվորեն կապում են Անտուան Գրիզմանին «Մանչեսթեր Յունայթեդի» հետ:
Ինչպես փոխանցում է Transfer News Live-ը՝ Mundo Deportivo-ին հղումով, «կարմիր սատանաները» ցանկանում են օգտվել այն հանգամանքից, որ Գրիզմանի գործող պայմանագրում «Ատլետիկոյի» հետ նախատեսված է 25 միլիոն եվրո հրաժարագին: Նման բարձր կարգավիճակ ունեցող ֆուտբոլիստի համար սա մեծ գումար չէ։
Նշվում է, որ «Մանչեսթեր Յունայթեդը» կարող է խնդրել Ռաֆայել Վարանին խոսել Անտուան Գրիզմանի հետ և համոզել նրան տեղափոխվել «Օլդ Թրաֆորդ»:
«Մանչեսթեր Յունայթեդը» ներկայումս զբաղեցնում է Պրեմիեր Լիգայի մրցաշարային աղյուսակի 6-րդ հորիզոնականը:
