«Բավարիայի» վինգեր Լերոյ Սանեն շարունակում է պահանջարկ ունենալ տրանսֆերային շուկայում։
Իսպանական Sport հրատարակության համաձայն՝ Լա Լիգայի սուպերակումբները՝ «Ռեալն» ու «Բարսելոնան», դիտարկում են 27-ամյա գերմանացու հետ պայմանագիր կնքելու հնարավորությունը։ Արժե ասել, որ սա առաջին անգամը չէ, որ խոսակցությունները Սանեին կապում են Իսպանիայի առաջնության գրանդների հետ։
Բացի այդ, վինգերի նկատմամբ հետաքրքրությունը վերագրվում է Պրեմիեր Լիգայի ակումբներին՝ «Մանչեսթեր Յունայթեդին», «Լիվերպուլին» և նույնիսկ «Մանչեսթեր Սիթիին», որտեղ ավելի վաղ հանդես է եկել Սանեն:
2023/24 մրցաշրջանի 18 խաղում Լերոյ Սանեն դարձել է 9 գոլի և 7 գոլային փոխանցման հեղինակ։
