Մադրիդի «Ռեալի» նախագահ Ֆլորենտինո Պերեսը կրկնել է, որ ժամանակակից ֆուտբոլին անհրաժեշտ է Սուպերլիգա նախագիծը, որպեսզի ֆուտբոլն ավելի լավն ու հետաքրքիր դառնա։
«Սուպերլիգայի նախագիծն այսօր առավել քան երբևէ անհրաժեշտ է: Նպատակը պարզ է՝ ցուցադրել ամենադիտարժան շոուն և հասնել ֆինանսական ֆեյր-փլեյի։ Ամեն տարի ավելի ու ավելի շատ ակումբներ են կորցնում հարյուրավոր միլիոններ:
Մեզ անհրաժեշտ են ժամանակակից օպերատիվ կառավարման կառույցներ, որոնք կհետևեն Եվրամիության սկզբունքներին։ Սուպերլիգայի նախագիծը մշտապես ենթարկվում է ապատեղեկատվական արշավների։ Այս մրցաշարը լիովին համատեղելի կլիներ ազգային մրցաշարերի և դրանց օրացույցների հետ։ Նրա միակ նպատակն է ուժեղացնել ու բարելավել եվրոպական մրցաշարերը»,- Պերեսի խոսքերն է մեջբերում AS-ը։
