«Բետիսի» հարձակվող Բորխա Իգլեսիասը հայտարարել է, որ կհրաժարվի Իսպանիայի հավաքականում խաղալուց, եթե Լուիս Ռուբիալեսը մնա Իսպանիայի թագավորական ֆուտբոլի ֆեդերացիայի նախագահը։
«Իսպանիայի հավաքականում խաղալը իմ կարիերայի ընթացքում տեղի ունեցած ամենամեծ իրադարձություններից մեկն է: Չգիտեմ՝ նորից կստանամ այս հնարավորությունը, բայց որոշել եմ չվերադառնալ հավաքական, քանի դեռ իրավիճակը չի փոխվել, քանի դեռ նման արարքներն անպատիժ են մնում։ Ավելի արդար, ավելի մարդկային, արժանի ֆուտբոլի համար»,- գրել է Իգլեսիասը սոցցանցում։
Հիշեցնենք, որ 2023 թվականի աշխարհի առաջնության եզրափակիչից հետո մրցանակաբաշխության ժամանակ, որտեղ Իսպանիայի կանանց հավաքականը հաղթեց Անգլիայի հավաքականին (1-0), Ռուբիալեսը, բռնելով ֆուտբոլիստ Ջենիֆեր Հերմոսոյի գլուխը, համբուրեց նրա շուրթերը։
Ավելի ուշ աղջիկը հայտարարել է, որ իրեն դուր չի եկել Ռուբիալեսի համբույրը։ Ավելի ուշ նա ներողություն է խնդրել համբույրի համար, սակայն հայտարարել է, որ չի հեռանա այդ պատճառով։
