Մադրիդի «Ռեալն» իր պաշտոնական կայքում հայտնել է, որ «Չելսիի» դարպասապահ Կեպա Արիզաբալագան վարձավճարով տեղափոխվել է իսպանական ակումբ։ Ֆուտբոլիստը մեկ տարվա պայմանագիր է կնքել մադրիդցիների հետ։
Հաղորդվում էր, որ Մադրիդի «Ռեալը» ֆուտբոլիստին դիտարկում է որպես բելգիացի Տիբո Կուրտուային փոխարինող, ով ծնկի խաչաձև կապանների վնասվածք է ստացել։
2022/23 մրցաշրջանում դարպասապահը «Չելսիի» կազմում անցկացրել է 39 հանդիպում, բաց է թողել 45 գոլ։ Ֆուտբոլիստի տրանսֆերային արժեքը կազմում է 18 միլիոն եվրո:
