«Լիվերպուլի» գլխավոր մարզիչ Յուրգեն Կլոպը կոպիտ է արձագանքել ակումբի երկրպագուների ինքնագրի խնդրանքին «Բավարիայի» հետ ընկերական խաղում 3։4 հաշվով պարտվելուց հետո, հայտնում է Daily Mail-ը։
Ըստ աղբյուրի՝ երկրպագուները Կլոպից ինքնագիր են խնդրել ավտոբուս նստելուց առաջ, ինչին մասնագետը կտրուկ պատասխանել է. «Շատ արագ, խնդրում եմ։ Ես իսկապես ժամանակ չունեմ»:
Միևնույն ժամանակ, մարզաշապիկը Կլոպին փոխանցելու ժամանակ երկրպագուներից մեկը գցեց այն, ինչը նույնպես դուր չեկավ մասնագետին, և նա ավելացրեց. «Եվ դու պետք է պահե՞ս այս մարզաշապիկը»:
Պրեմիեր Լիգայի նոր մրցաշրջանը մեկնարկում է օգոստոսի 11-ին։
Կլոպը «Լիվերպուլը» գլխավորում է 2015 թվականից։ Մասնագետի և ակումբի միջև պայմանագիրը նախատեսված է մինչև 2026 թվականը:
