«Ինտեր Մայամին» կփորձի համոզել 32-ամյա բելգիացի հարձակվող Էդեն Ազարին միանալ իրենց, հայտնում է Relevo-ն: Հարձակվողը հունիսի սկզբին խզել է պայմանագիրը Մադրիդի «Ռեալի» հետ, ըստ որի՝ նա ևս մեկ տարի ուներ մադրիդյան ակումբում խաղալու և այդ ժամանակվանից առանց ակումբի է։
«Ինտեր Մայամին» պայմանագիր է կնքել արգենտինացի հարձակվող Լիոնել Մեսսիի, իսպանացի կիսապաշտպան Սերխիո Բուսկետսի և արգենտինացի մարզիչ Խերարդո Մարտինոյի հետ:
Եթե Ազարը գա, նա կարող է դառնալ Ֆլորիդայի թիմի երեք խաղացողներից մեկը՝ անսահմանափակ աշխատավարձով: Այսպիսով, Ազարը կամ պետք է ընդունի մեկ խաղացողի համար 1,6 միլիոն դոլարի չափով աշխատավարձ, կամ կզբաղեցնի Մարտինեսի կամ Պիսարոյի տեղը, ովքեր անսահմանափակ աշխատավարձ ստացող ֆուտբոլիստներից մեկն էին:
Ազարը արձակուրդում է ընտանիքի հետ և դեռ որոշում չի կայացրել իր ապագայի վերաբերյալ։ Կարիերան շարունակելու տարբերակներից մեկը նախկինում «Մոլենբեկ» ակումբն էր, որտեղ ելույթ է ունենում նրա եղբայրը՝ Կիլիանը։
