ՊՍԺ-ի ղեկավարությունը կարծում է, որ թիմի հարձակվող Կիլիան Մբապպեն 2024 թվականին կտեղափոխվի Մադրիդի «Ռեալ», հայտնում է լրագրող Ռամոն Ալվարես դե Մոնտը։

Աղբյուրի համաձայն՝ ակումբը չի կարծում, որ Մբապպեն կընդունի ՊՍԺ-ից հաջորդ պայմանագիրը։ Հաղորդվում է, որ փարիզցիները չեն պատրաստվում վաճառել հարձակվողին ամառային տրանսֆերային պատուհանի ժամանակ։

Ավելի վաղ Մադրիդի «Ռեալի» նախագահ Ֆլորենտինո Պերեսը հայտարարել էր, որ Մբապպեն 2023 թվականին չի տեղափոխվի մադրիդյան ակումբ։

Ավելի վաղ հաղորդվում էր, որ 24-ամյա ֆրանսիացին չի ակտիվացրել փարիզցիների հետ 2024/25 մրցաշրջանի պայմանագիրը երկարաձգելու տարբերակը, ինչը նրան թույլ կտա 2024 թվականին դառնալ ազատ գործակալ։

Մբապպեն այս մրցաշրջանում ՊՍԺ-ի կազմում անցկացրել է 43 հանդիպում բոլոր մրցաշարերում՝ դառնալով 41 գոլի և 10 գոլային փոխանցման հեղինակ: Ֆուտբոլիստի արժեքը Transfermarkt պորտալի համաձայն գնահատվում է 180 միլիոն եվրո։