Թուրինի «Յուվենտուսի» կիսապաշտպան Պոլ Պոգբան կարող է մասնակցել Իտալիայի առաջնության 24-րդ տուրի «Տորինոյի» հետ հանդիպմանը։ Այս մասին հայտնել է թիմի գլխավոր մարզիչ Մասիմիլիանո Ալեգրին։
«Նա արդեն լավ է, մենք նրան կտանենք վաղվա խաղին: Եթե պետք լինի, կխաղա։ Ես նրա հետ խոսել եմ այնպես, ինչպես մյուս խաղացողների հետ:
Նա պետք է հասկանա, որ շարք վերադառնալը մրցաշրջանի կարևոր մասն է, նա պետք է ունենա բոլոր դրդապատճառները՝ մրցաշրջանը լավ ավարտելու և մեզ օգնության ձեռք մեկնելու համար»,- Ալեգրիի խոսքերն է մեջբերում Tribal Football-ը:
Հիշեցնենք, որ Պոգբան Յուվենտուս է վերադարձել 2022 թվականի ամռանը, բայց թուրինյան ակումբի կազմում ոչ մի հանդիպում չի անցկացրել վնասվածքի և վիրահատության պատճառով։ Ավելի ուշ խաղացողը ազդրի մկանային վնասվածք է ստացել:
Կիսապաշտպանի պայմանագիրն ակումբի հետ նախատեսված է մինչև 2026 թվականի հունիսը: Transfermarkt-ը ֆուտբոլիստի արժեքը գնահատում է 35 միլիոն եվրո:
