Ալֆոնսո Պերես Բուրուլը մեկնաբանել է Մադրիդի «Ատլետիկոյի» հարձակվող Անխել Կորեայի հեռացումը։
«Մադրիդի Ռեալի» դեմ խաղի 64-րդ րոպեին արգենտինացին արմունկով հարվածեց Մադրիդի «Ռեալի» պաշտպան Անտոնիո Ռյուդիգերի կրծքին, ինչի համար կարմիր քարտ ստացավ գլխավոր մրցավար Խեսուս Խիլ Մանսանոյից։
«Ամբողջ խաղի ընթացքում մրցավարը չափազանց պատրաստակամ էր ցույց տալ քարտերը, և այս դեպքում էլ նույնը տեղի ունեցավ։
«Ատլետիկոյի» խաղացողը մեկնել է ձեռքն ու հարվածել Ռյուդիգերին, սակայն «Ռեալի» պաշտպանը չափազանցրել է հարվածի ուժը։ Ոչ մի դեպքում չպետք է Կորեային հեռացնել այս պատճառով»,- ասաց նախկին մրցավարը:
