Իսպանիան հետաքննություն է սկսել պայմանավորված խաղերի կապակցությամբ.
Լա Լիգայի բողոքը Սպորտի և ազնվության ազգային ոստիկանության կենտրոնին (CENPIDA) ստիպեց քննել Կոպա դել Ռեյում ենթադրյալ պայմանավորված խաղերի հետաքննությանը:
Խոսքը Իսպանիայի գավաթի խաղարկության առաջին տուրի «Հուրական Մելիլյա» – «Լևանտե» խաղի մասին է, որը կայացել է 2021 թվականի դեկտեմբերի 2-ին և ավարտվել 0։8 հաշվով։ Այդ խաղում դուբլ գրանցեց «Մադրիդի Ռեալի», «Թոթենհեմի» և Իսպանիայի հավաքականի նախկին հարձակվող Ռոբերտո Սոլդադոն։
Լա Լիգան տեղեկատվություն է ստացել անանուն ազդարարից 2015 թվականին Անվտանգության և ամբողջականության դեպարտամենտի կողմից ստեղծված էլ.փոստի միջոցով և այդ մասին հայտնել CENPIDA-ին: Հետաքննության ընթացքում, որը դեռ շարունակվում է, ցուցմունքներ են վերցվել վեց անձից, բոլորն էլ կապված են «Հուրական Մելիլյա» ակումբի հետ։ Նշվում է, որ «Լևանտեն» պատկերացում չունի քննվող փաստերի մասին։
