Պորտուգալիայի հավաքականի և «Միլանի» հարձակվող Ռաֆայել Լեաուն հնարավորություն ունի կարիերան շարունակել եվրոպական մեկ այլ թոփ-ակումբում։
Ինչպես հաղորդում է Goal-ը, 23-ամյա ֆուտբոլիստի ծառայություններով հետաքրքրված է Մյունխենի «Բավարիան»:
Գերմանական գրանդը ցանկանում է պայմանագիր կնքել Լեաուի հետ՝ փոխարինելու ֆրանսիացի վինգեր Կինսլի Կոմանին, ով մոտ ապագայում հնարավոր է հեռանա թիմից։
Ռաֆայել Լեաուի տեղափոխությանը Մյունխեն կարող է նպաստել այն, որ նա դեռ նոր պայմանագիր չի կնքել «ռոսոներիների» հետ։
Կողմերի միջև գործող պայմանագիրը նախատեսված է մինչև 2024 թվականի ամառը։
Ֆուտբոլիստի տրանսֆերային արժեքը գնահատվում է 85 միլիոն եվրո։