«Լեսթերը» ցանկանում է ամռանը ձեռք բերել 3 նոր խաղացողի, դրանում անձամբ հետաքրքրված է «աղվեսների» գլխավոր մարզիչ Բրենդան Ռոջերսը։ Այս մասին հայտնում է Daily Mail-ը։
Աղբյուրի փոխանցմամբ՝ անգլիական ակումբին նոր կենտրոնական պաշտպան, ունիվերսալ կիսապաշտպան ու աջ եզրային հարձակվող է անհրաժեշտ։ Բացի այդ, «Լեսթերը» դեմ չէ հիմնական կազմի որոշ խաղացողների վաճառքին, որոնց խաղամակարդակը նախորդ մրցաշրջանների համեմատ նվազել է: Ռոջերսը վստահ է, որ թիմին անհրաժեշտ է այդ վերակառուցումը:
Ընթացիկ մրցաշրջանում «Լեսթերը» Պրեմիեր Լիգայի 27 խաղում վաստակած 36 միավորով զբաղեցնում է 10-րդ հորիզոնականը:
