«Մանչեսթեր Յունայթեդի» խաղացող Ջոշուա Զիրկզին կարող է փոխել ակումբը արդեն ձմեռային տրանսֆերային պատուհանի ժամանակ։
La Gazzetta dello Sport-ի տվյալներով՝ Ջան Պիերո Գասպերինիի մարզած «Ռոման» լուրջ հետաքրքրություն է ցուցաբերում խաղացողի նկատմամբ։
Գասպերինին վաղուց է ցանկանում աշխատել հարձակվողի հետ։ Սակայն Զիրկզին դժգոհ է նրա խաղաժամանակից այս մրցաշրջանում՝ նա խաղացել է 100 րոպեից պակաս, և վախենում է, որ մարզումների պակասը կարող է նրան զրկել Հոլանդիայի աշխարհի առաջնության հավաքականից։
Այդ պատճառով խաղացողն արդեն հանձնարարել է իր գործակալին ուսումնասիրել տրանսֆերի տարբերակները, այդ թվում՝ վարձակալությունը։
Transfermarkt-ի տվյալներով՝ Զիրկզիի շուկայական արժեքը գնահատվում է 30 միլիոն եվրո, իսկ նրա պայմանագիրը «Մանչեսթեր Յունայթեդի» հետ ուժի մեջ է մինչև 2029 թվականի ամառը։ Հարձակվողը դեռևս չի խաղացել թիմի մեկնարկային կազմում այս մրցաշրջանում։
