Մադրիդի «Ռեալի» հարձակվող Կիլիան Մբապպեն խնդրել է ակումբին բանակցություններ սկսել «Արսենալի» կենտրոնական պաշտպան Ուիլյամ Սալիբայի տրանսֆերի շուրջ:
Այս մասին հայտնում է Defensa Central-ը։
Աղբյուրի համաձայն՝ Մբապպեն ցանկանում է, որ թիմն ամառային տրանսֆերային պատուհանի ժամանակ փորձի ձեռք բերել Սալիբային:
Նշվում է, որ Մադրիդի «Ռեալի» ղեկավարությունը, թեև Սալիբային հիանալի տարբերակ է համարում, սակայն վախենում է, որ նրա տրանսֆերը չափազանց թանկ կարժենա։ Ֆրանսիացու արժեքը կազմում է 80 միլիոն եվրո:
Հաշվի առնելով, որ նրա պայմանագիրը նախատեսված է մինչև 2027 թվականի ամառը, «Արսենալը» տրանսֆերի համար կպահանջի մոտ 100 միլիոն եվրո:
Այս մրցաշրջանում 24-ամյա ֆրանսիացին անցկացրել է 43 հանդիպում և դարձել 2 գոլի հեղինակ։
