Լևերկուզենի «Բայերի» գործադիր տնօրեն Ֆերնանդո Կարրոն հայտնել է, որ կնախընտրեր, որ «Ռեալը» հաղթեր «Արսենալին» Չեմպիոնների Լիգայում թիմի գլխավոր մարզիչ Խաբի Ալոնսոյի պատճառով։

«Անկեղծ ասած, ես կնախընտրեի, որ «Ռեալը» հաղթեր «Արսենալին», իսկ Կառլո Անչելոտտին շարունակեր իր աշխատանքը: Ֆուտբոլում նորմալ է, որ լուրեր են պտտվում հեռացման մասին «Ռեալի» 0-3 հաշվով պարտությունից հետո:

Այդ իսկ պատճառով ես ցանկանում եմ, որ «Ռեալը» հաղթի, այնպես որ խոսակցություններ չլինեն: Մենք լավ հարաբերություններ ունենք Ալոնսոյի հետ, մենք կարող ենք խոսել ամեն ինչի մասին»,- Կարրոյի խոսքերն է մեջբերում Sky Sport Germany-ն:

Ավելի վաղ հաղորդվում էր, որ Խաբի Ալոնսոն Մադրիդի «Ռեալի» ներկայիս գլխավոր մարզիչ Կառլո Անչելոտտիին փոխարինելու հիմնական թեկնածուներից է, ում պայմանագիրն ակումբի հետ ավարտվում է հաջորդ ամառ։