«Բարսելոնայի» նախկին նախագահներ Սանդրո Ռոսելը և Խոսեպ Մարիա Բարտոմեուն դատարան են հրավիրվել՝ որպես մեղադրյալներ ցուցմունք տալու Իսպանիայի Արքայական ֆուտբոլի ֆեդերացիայի մրցավարների տեխնիկական կոմիտեի նախկին փոխնախագահ Խոսե Նեգրեիրայի գործով։ Այս մասին հայտնում է EFE-ն։

Աղբյուրի համաձայն՝ Բարտոմեուն պետք է ցուցմունք տա հունիսի 17-ին, իսկ հունիսի 30-ին կայանալիք նիստին ներկա կլինեն Ռոսելը, Նեգրեյրայի որդին, ինչպես նաև «Բարսելոնայի» նախկին գործադիր տնօրեն Օսկար Գրաուն։

Հիշեցնենք, որ, ըստ հետաքննության, 2001-ից 2018 թվականներին Խոսե Նեգրեյրան մոտ 7,5 միլիոն եվրո է ստացել «Բարսելոնայի» համար խորհրդատվության համար։

2024 թվականի մայիսին հաղորդվել էր, որ Բարսելոնայի դատարանը կասեցրել է կատալոնացիների՝ «Նեգրեյրա գործով» կաշառակերության մեջ մեղադրվող որոշումը։

Սանդրո Ռոսելը «Բարսելոնայի» նախագահի պաշտոնը զբաղեցրել է 2010-ից 2014 թվականներին, իսկ Խոսեպ Մարիա Բարտոմեուն՝ 2014-ից 2020 թվականներին։