«Բարսելոնայի» գլխավոր մարզիչ Հանս-Դիտեր Ֆլիկը մեկնաբանել է Չեմպիոնների Լիգայի 1/8-րդ եզրափակչի պատասխան խաղում «Բենֆիկայի» նկատմամբ տարած հաղթանակը (3։1)։
«Ես երջանիկ եմ, քանի որ մենք հարգանք դրսևորեցինք «Բենֆիկային»։ Նա հսկայական աշխատանք կատարեց և չափազանց դժվարացրեց մեր կյանքը։ Բայց մենք մեր գործը շատ լավ արեցինք։ Յամալը վերջերս այնքան էլ հաճախ չէր գոլեր խփում, բայց այստեղ նա շատ կարևոր գոլ խփեց իր և բոլորիս համար։ Սա հաղթելու ամենադժվար մրցաշարն է, բայց մենք կարող ենք դա անել։
«Բենֆիկան» շատ լավ թիմ է, և նրանց մարզիչը ֆանտաստիկ աշխատանք է կատարել: Ես իսկապես հարգում եմ այն խաղը, որը նրանք ցուցադրեցին։ Մենք վերահսկում էինք գնդակը, վերահսկում էինք խաղը և կարծում եմ, որ կարող էինք ևս մի քանի գոլ խփել։ Բայց ամեն դեպքում, ես շատ ուրախ եմ, որ հասել ենք քառորդ եզրափակիչ։
Եթե Ռաֆինյան ասում է, որ մենք պայքարում ենք Չեմպիոնների Լիգայում հաղթելու համար, դա լավ է։ Սա նշանակում է, որ խաղացողները հավատում են նրան, ինչ մենք անում ենք և ինչի կարող ենք հասնել։ Բայց իմ գործն է հանգստություն պահպանել և մտածել միայն այն մասին, թե ինչ է մեզ սպասվում յուրաքանչյուր հաջորդ խաղում»,- Ֆլիկի խոսքերն է մեջբերում ՈւԵՖԱ-ի մամուլի ծառայությունը։
Չեմպիոնների Լիգայի քառորդ եզրափակիչում «Բարսելոնան» կմրցի «Լիլ» – «Բորուսիա» զույգի հաղթողի դեմ։ Առաջին խաղը ավարտվեց է 1։1 հաշվով։
