«Բարսելոնայի» դարպասապահ Վոյցեխ Շչեսնին խոսել է կատալոնական ակումբում իր ապագայի մասին։
Լեհ դարպասապահը հայտարարեց իր կարիերան ավարտելու մասին 2024 թվականի ամռանը, բայց այն վերսկսեց այն բանից հետո, երբ առաջարկ ստացավ «Բարսելոնայից»՝ թիմի հիմնական դարպասապահ Մարկ-Անդրե տեր Շտեգենի վնասվածքից հետո։ Շչեսնիի պայմանագիրը «Բարսելոնայի» հետ ավարտվում է ընթացիկ մրցաշրջանի ավարտին։
«Եթե մրցաշրջանի սկզբում ինձ հարցնեիք ապագայի մասին, ես կասեի, որ հունիսին կհեռանամ «Բարսելոնայից»։ Բայց ինձ շատ է դուր գալիս այստեղ։ Իմ ընտանիքը երջանիկ է, տղաս սիրում է իր դպրոցը, կինս նույնպես երջանիկ է այստեղ։ Ուստի ես ոչինչ չեմ բացառում», – ասել է Շչեսնին Barca One-ին։
Ընթացիկ մրցաշրջանում Շչեսնին «Բարսելոնայի» 13 հանդիպման է մասնակցել՝ բաց թողնելով 13 գնդակ և անառիկ է պահել դարպասը 7 խաղում։
