Մադրիդի «Ռեալի» գլխավոր մարզիչ Կառլո Անչելոտտին, ով նախկինում հաջողությամբ մարզել է «Միլանը», խոստովանել է, որ «Ինտերի» երկրպագու է։
«Մի օր իմ զարմիկ Ամեդեո Կուրիոնին վերադարձավ Միլանից և ինձ նվիրեց «Ինտերի» մարզաշապիկը: Այդ պահին ես դարձա այդ թիմի երկրպագու։ Մացոլան երազանքի ֆուտբոլիստ էր, և ինձ նույնպես դուր եկավ Բոնինսենիան:
Մադրիդն առանձնահատուկ է, իսկ Միլանն իմ սիրտն է։ Ես խաղացել եմ և մարզել եմ ակումբը։ Սա իմ մասնագիտական կյանքի մեծ մասն է: Իսկ «Ռեալը» «Ռեալն» է։ Ի՞նչը կարող է ավելի լավ լինել: Պատմության նկատմամբ հարգանք կա, բոլոր ներկա և նախկին խաղացողները մարզումային կենտրոնում ունեն լուսանկարներ»,- Անչելոտտիի խոսքերն է մեջբերում Il Giornale-ն:
