Լա Լիգայի 38-րդ տուրի խաղում «Բարսելոնան» հյուրընկալվելիս հաղթեց «Սևիլիային»՝ 2։1 հաշվով։

Կատալոնական ակումբի կազմից աչքի ընկան Ռոբերտ Լևանդովսկին և Ֆերմին Լոպեսը։ Տանտերերի միակ գոլը 31-րդ րոպեին խփեց Յուսեֆ Էն-Նեսիրին։

«Բարսելոնան» իր վերջին հանդիպումն անցկացրեց գլխավոր մարզիչ Չավիի գլխավորությամբ։ Մայիսին ակումբը հայտարարեց, որ 44-ամյա մասնագետը մրցաշրջանի ավարտից հետո կլքի թիմը։

«Բարսելոնան» (85 միավոր) Լա Լիգայում զբաղեցրեց երկրորդ տեղը։ «Սևիլիան» (41) ավարտեց մրցաշրջանը մրցաշարային աղյուսակի 14-րդ տեղում։