«Մանչեսթեր Յունայթեդի» նախկին հարձակվող Ուեյն Ռունին խոստովանել է, որ աջակցում է Պրեմիեր Լիգայում VAR-ից հրաժարվելու նախաձեռնությանը։
Պրեմիեր Լիգայի ակումբները շուտով կդիտարկեն հաջորդ մրցաշրջանի սկզբից VAR համակարգից հրաժարվելու տարբերակը, նախաձեռնությունը վերցրել էր «Վուլվերհեմփթոնը»։
«Արդյո՞ք Պրեմիեր Լիգան կքվեարկի VAR-ի վերացման օգտին․ Խնդրում եմ։ Խնդրում եմ։ Ես իսկապես չեմ սիրում VAR-ը: Այն խլում է ամբողջ հաճույքը խաղից: Եթե խաղացողը գոլ է խփում, նա պետք է սպասի տոնելու, նույնը վերաբերում է երկրպագուներին։
Եվ այնուամենայնիվ նրանք դեռևս վատ որոշումներ են կայացնում։ Մենք կարող ենք նաև թույլ տալ, որ մրցավարները դատեն խաղը՝ իմանալով, որ նրանք լուրջ սխալներ են թույլ տալիս», – ասել է Ռունին Sky Sports-ի եթերում։
