Թուրինի «Յուվենտուսի» գլխավոր մարզիչ Մասիմիլիանո Ալեգրին այս ամառ կարող է հեռանալ զբաղեցրած պաշտոնից, գրում է լրագրող Ֆաբրիցիո Ռոմանոն։ Նրա փոխարեն կարող է նշանակվել Տիագու Մոտան։
«Ալեգրին կհեռանա ամռանը։ Նրան փոխարինելու հիմնական թեկնածուն Տիագու Մոտան է»,- Ռոմանոյի խոսքերն է մեջբերում Juvenews.eu-ն։
Մոտան այժմ մարզում է «Բոլոնիան»: Ալեգրին «Յուվենտուսը» գլխավորում է 2021 թվականից։
Երեկ՝ մայիսի 15-ին, «Յուվենտուսը» հաղթեց «Ատալանտային» (1:0) և նվաճեց Իտալիայի գավաթը։
