Թուրինի «Յուվենտուսի» կիսապաշտպան Ադրիեն Ռաբիոն առաջիկա տրանսֆերային պատուհանի ժամանակ կարող է փոխել ակումբային գրանցումը։ Այս մասին հայտնում է La Gazzetta dello Sport-ը։

Աղբյուրի համաձայն՝ Ռաբիոյի ծառայություններով հետաքրքրված է Մյունխենի «Բավարիան»։  Գերմանական ակումբն ուսումնասիրում է Ռաբիոյին ազատ գործակալի կարգավիճակով ձեռք բերելու տարբերակը։

Նշվում է, որ «Բավարիան» Ադրիենին դիտարկում է որպես Յոսուա Կիմիխի հնարավոր փոխարինող, ով կարող է լքել թիմն այս ամառ։

Ֆուտբոլիստի ծառայություններով հետաքրքրված է նաև «Մանչեսթեր Յունայթեդը»։