«Մանչեսթեր Սիթիի» գլխավոր մարզիչ Պեպ Գվարդիոլան ամփոփել է ԱՊԼ-ի 37-րդ տուրի՝ «Թոթենհեմի» դեմ հանդիպումը (2:0)։
«Շատ բարդ խաղ էր: Մենք գիտեինք, որ դա տեղի կունենա: Նրանք խաղում են մեծ եռանդով, և նրանց դեմ շատ դժվար է խաղալ: Նրանց ապագան անհավանական կլինի, եթե նրանք մնան իրենց ներկայիս մարզչի հետ։
Մենք գիտենք, թե ինչի համար ենք խաղում։ Լարվածություն կար, մրցակիցը շատ լավն էր։ Ահա թե ինչու է դա այդքան դժվար: Մենք կունենանք մեկ հանգստյան օր, երկու օր նախապատրաստվելու համար, իսկ հետո կանենք հնարավոր ամեն բան՝ հաղթելու համար»,- Գվարդիոլայի խոսքերն է մեջբերում BBC Sport-ը։
Անգլիայի առաջնության վերջին խաղից առաջ «Մանչեսթեր Սիթին» (88 միավոր) գլխավորեց Պրեմիեր Լիգայի մրցաշարային աղյուսակը՝ հաղթելով «Արսենալին» (86): Վերջին տուրում «Սիթին» սեփական հարկի տակ կընդունի «Վեսթ Հեմին», իսկ «զինագործները» տանը կխաղան «Էվերթոնի» հետ։ Երկու խաղերն էլ կկայանան մայիսի 19-ին։
