«Բավարիայի» գլխավոր մարզիչ Թոմաս Տուխելը բացատրել է թիմի լավագույն ռմբարկու Հարի Քեյնին փոխարինելու իր որոշումը Մադրիդի «Ռեալի» հետ Չեմպիոնների լիգայի կիսաեզրափակչի պատասխան խաղի (1:2) 68-րդ րոպեին։
«Նա չկարողացավ շարունակել խաղը: Ես ստիպված էի փոխարինել բոլոր չորս հարձակողական խաղացողներին: Հարին մեջքի հետ կապված խնդիրներ ուներ։
Գնաբրիի փոխարինո՞ւմը։ Կրկին վնասվածք: Կրկին նույն վնասվածքը, ազդրի մկանային հատվածը, սա շարունակվում է որոշ ժամանակ»,- Տուխելի խոսքերն է մեջբերում Bayern & Germany-ն:
