Մադրիդյան ակումբն իրեն ժամանակից շուտ երաշխավորեց չեմպիոնությունը՝ Լա լիգայի 34 տուրից հետո վաստակելով 87 միավոր։ Ավելի վաղ հայտնի էր դարձել , որ Մադրիդի « Ռեալը » խնդրել է մրցանակաբաշխությունը չանցկացնել «Գրանադայի» մարզադաշտում: Հետո տեղեկություն հայտնվեց, որ «Ռեալը» չեմպիոնական գավաթը ստանալու է ակումբի բազայում փակ դռների հետևում ։

Մադրիդի՝ «Գրանադա» մարզադաշտում մրցանակաբաշխության անցկացումը համարվում էր անհարգալից վերաբերմունք մրցակցի նկատմամբ։

Այժմ, ինչպես գրում է Marca-ն, Իսպանիայի թագավորական ֆուտբոլի ֆեդերացիան (RFEF) կրկին փոխել է իր որոշումը. չեմպիոնական գավաթը Մադրիդին կշնորհվի մայիսի 14-ին՝ «Ալավեսի» հետ տնային հանդիպումից հետո։