Գերմանիայի հավաքականի նախկին մարզիչ Հանս-Դիտեր Ֆլիկը կարող է երկրորդ անգամ գլխավորել «Բավարիան», հայտնում է լրագրող Ֆլորիան Պլետենբերգը X սոցիալական ցանցում (նախկինում՝ Twitter)։
Աղբյուրի համաձայն՝ Ֆլիկը բաց է մյունխենյան ակումբում հնարավոր նշանակման համար և դրական է վերաբերվում վերադառնալու հնարավորությանը։
Նախկինում հաղորդվում էր, որ «Բավարիան» դեռ անմիջական շփումներ չի ունեցել Ֆլիկի հետ, սակայն այս պահին նա մյունխենյան թիմի մարզչի գլխավոր հավակնորդն է այն բանից հետո, երբ նրանց ղեկավարությունը մերժեց հոլանդացի մասնագետ Էրիկ տեն Հագի թեկնածությունը։
Գերմանացի մասնագետն արդեն գլխավորել է «Բավարիան» 2019 թվականի նոյեմբերից մինչև 2021 թվականի հունիսը։
«Բավարիայի» ներկայիս մարզիչ Թոմաս Տուխելը մրցաշրջանի ավարտից հետո կլքի ակումբը։
