Գերմանիայի հավաքականի կիսապաշտպան Տոնի Կրոսի ապագան մնում է անորոշ։ 34-ամյա ֆուտբոլիստի գործող պայմանագիրը «Ռեալի» հետ նախատեսված է մինչև հունիսի վերջ, և գերմանացին դեռ չի արձագանքել աշխատանքային պայմանագիրը ևս մեկ տարով երկարաձգելու առաջարկին։
Ինչպես հայտնում է TodoFichajes-ը՝ ներկայումս Կրոսը հակված է կարիերայի ավարտին 2024 թվականի Եվրոպայի առաջնությունից հետո։ Ֆուտբոլիստն արդեն քննարկել է այս տարբերակը իր սիրելիների հետ։
Նշվում է, որ Տոնի Կրոսը չի ցանկանում խանգարել Մադրիդի «Ռեալի» մարզական զարգացմանը, ուստի կասկածում է պայմանագրի երկարաձգմանը։
