«Մանչեսթեր Յունայթեդի» ֆուտբոլիստները համոզված են, որ թիմի գլխավոր մարզիչ Էրիկ տեն Հագը կհեռացվի այս մրցաշրջանից հետո, որը նրանք համարում են անհաջող։ Այս մասին հայտնում է Daily Mail-ը։
Ըստ աղբյուրի՝ հոլանդացի մասնագետը հաստատ չի հեռացվի զբաղեցրած պաշտոնից մինչև «Մանչեսթեր Սիթիի» հետ Անգլիայի գավաթի եզրափակիչը, որը կկայանա մայիսի 25-ին։
Հիշեցնենք, որ Պրեմիեր Լիգայի 35 տուրից հետո «կարմիր սատանաները» վաստակել են 54 միավոր և ներկայումս զբաղեցնում են ութերորդ տեղը։
