«Մանչեսթեր Յունայթեդի» գլխավոր մարզիչ Էրիկ տեն Հագը կարող է գլխավորել «Բավարիան», հայտնում է լրագրող Ֆլորիան Պլետենբերգը։
Ըստ աղբյուրի՝ վերջին շաբաթներին բանակցություններ են տեղի ունեցել ակումբի և մասնագետի ներկայացուցիչների միջև։
«Մանչեսթեր Յունայթեդում» մարզչի ապագան դեռ որոշված չէ։ Տեն Հագը ցանկանում է մինչև 2025 թվականը մնալ անգլիական ակումբում։ Բայց եթե նա ստիպված լինի թողնել իր պաշտոնը մրցաշրջանի վերջում, նա պատրաստ է գլխավորել «Բավարիան»։
Ավելի վաղ հաղորդվում էր, որ Տուխելը ծրագրում է հեռանալ «Բավարիայից»։ Սակայն մայիսի 4-ին ԶԼՄ-ներում տեղեկություն հայտնվեց, ըստ որի գերմանացին կարող է մնալ գերմանական ակումբում։
Պրեմիեր Լիգայի 34 տուրից հետո «Մանչեսթեր Յունայթեդը» 54 միավորով զբաղեցնում է մրցաշարային աղյուսակի 6-րդ հորիզոնականը։
