«Բավարիայի» կիսապաշտպան Ջամալ Մուսիալան մեկնաբանել է Չեմպիոնների լիգայի կիսաեզրափակիչ առաջին խաղում Մադրիդի «Ռեալի» հետ հանդիպման ելքը (2:2):
«Կան և՛ դրական, և՛ բացասական կողմեր։ Մենք կարող էինք հաղթել, ունեինք բազմաթիվ հնարավորություններ։ Մենք լավ էինք պաշտպանվում, բայց «Ռեալը» գիտի, թե ինչպես ստեղծել այդ «ինչ-որ բան» այն իրավիճակներում, երբ կարծում ես, որ հիմա քեզ ոչինչ չի սպառնում։ Մի քիչ ամոթ է, բայց մենք «Բեռնաբեու» խաղադաշտ դուրս կգանք գլուխներս բարձր:
Սա այն է, ինչի մասին ես միշտ երազել եմ՝ մասնակցել այսպիսի հանդիպումների։ Երկրպագուները, մթնոլորտը. այնտեղ խաղալը հաճելի է: Հաճելի է մասնակցել մի հանդիպման, որտեղ բոլորը խաղում են բարձր մակարդակով: Շատ դրական բաներ կան, որ մենք կարող ենք վերցնել այս խաղից: Մենք պետք է վստահ մնանք, շարունակենք խաղալ այնպես, ինչպես այսօր խաղացինք և ձգտենք հաղթանակի»,- ասել է Մուսիալան beIN Sports-ին:
Պատասխան խաղը կկայանա մայիսի 8-ին Մադրիդում։
