Յան Օբլակը կարող է հեռանալ Մադրիդի «Ատլետիկոյից»։
Ինչպես հայտնում է As-ը, սլովենացի դարպասապահը կորցրել է անփոխարինելի խաղացողի կարգավիճակը, և մադրիդյան ակումբը պատրաստ է լսել նրա տրանսֆերի վերաբերյալ առաջարկները։
Մադրիդի «Ատլետիկոն » ցանկանում է ամռանը թարմացնել թիմի կազմը և բաժանվել ամենաբարձր վարձատրվող խաղացողներից: Օբլակի աշխատավարձը ամենաբարձրերից մեկն է ակումբում, դարպասապահը ստանում է 10 միլիոն եվրո մաքուր մեկ մրցաշրջանում:
Ինքը՝ խաղացողը, գիտի, որ մադրիդցիները պատրաստ են վաճառել իրեն։ Նա ցանկանում է ուժերը փորձել Պրեմիեր լիգայում, եթե ստիպված լինի հեռանալ իր ներկայիս թիմից:
Նշվում է, որ «Ատլետիկոն» հետաքրքրված է Վրաստանի հավաքականի դարպասապահ Գիորգի Մամարդաշվիլիով։ «Վալենսիան» , որը պետք է վաճառի, 23-ամյա խաղացողի համար կպահանջի 25 միլիոն եվրո:
Օբլակը մադրիդյան ակումբում հանդես է գալիս 2014/15 մրցաշրջանից։ Լա լիգայի ընթացիկ առաջնությունում նա անցկացրել է 33 հանդիպում և բաց թողել 39 գոլ։
