Մադրիդի «Ատլետիկոյի» գլխավոր տնօրեն Միգել Անխել Ժիլ Մարինը Եվրոպական ակումբների ասոցիացիայի (ECA) հանդիպման ժամանակ խոսել է Եվրոպական Սուպերլիգայի ստեղծման մասին։
«Այստեղ նման հանդիպումներում մենք շատ ենք խոսում Սուպեր Լիգայի մասին, բայց Իսպանիայից դուրս Սուպերլիգան մեռած է: Ինչի՞ համար են ECA-ն, ՈՒԵՖԱ-ն և Եվրոպական Լիգաները: Նրանք պաշտպանում են մրցակցային կառուցվածքը։ Եթե մի շարք ակումբների համար մրցումներ փակես, դա կկործանի շատերի երազանքները»,- Ժիլի խոսքերն է մեջբերում Mundo Deportivo-ն։
Հիշեցնենք, որ դեկտեմբերի 21-ին Եվրոպական դատարանը անօրինական ճանաչեց ՖԻՖԱ-ի և ՈւԵՖԱ-ի գործողությունները՝ արգելելու Սուպերլիգայի ստեղծումը 2021 թվականին։ Կազմակերպությունները մենաշնորհ չունեն Եվրոպայում ակումբային մրցումների վրա, և Սուպերլիգան կարող է պաշտոնապես ստեղծվել եվրոպական օրենսդրությամբ։
