«Մանչեսթեր Յունայթեդը» շարունակում է հետաքրքրվել Դեն Էշվորթով:
53-ամյա անգլիացին փետրվարին հեռացավ «Նյուքասլից», սակայն պայմանագիրը նախատեսված է մինչև 2026 թվականը:
Մանկունիացիները Էշվորթի համար առաջարկում են մոտ 2 միլիոն ֆունտ, նույնը, ինչ երկու տարի առաջ «կաչաղակները» վճարեցին «Բրայթոնին»: Այնուամենայնիվ, Նյուքասլը պահանջում է մոտավորապես 15 միլիոն և ևս 5 միլիոն բոնուսներ:
Սպասվում է, որ «Մանչեսթեր Յունայթեդը» պատրաստ կլինի ամռանը փոքր-ինչ մեծացնել Էշվորթին ձեռք բերելու առաջարկը: Ամեն դեպքում, «կարմիր սատանաները» ակնկալում են, որ «կաչաղակները» մինչև տարեվերջ կկրճատեն փոխհատուցման գումարը։