Ֆերլան Մենդիի նկատմամբ հետաքրքրություն են ցուցաբերում Պրեմիեր Լիգայի թոփ ակումբները և «Բավարիան»:
28-ամյա պաշտպանի գործող պայմանագիրը «Ռեալի» հետ ավարտվում է 2025 թվականին։
Հաղորդվում է, որ Կառլո Անչելոտտին վերջերս ղեկավարությանը հայտնել է ֆուտբոլիստին պահելու ցանկության մասին։ Այս պահին ֆրանսիացին պայմանագիրը երկարաձգելու առաջարկ չի ստացել, բայց կարող է գալ, քանի որ ակումբը վերջերս հանդիպում է անցկացրել ֆուտբոլիստի ներկայացուցիչների հետ։ Բազմաթիվ վնասվածքների պատճառով Մենդին հիմնական կազմի միակ ֆուտբոլիստն է, ում աշխատավարձը վերջին մրցաշրջաններում չի բարձրացել, իսկ ակումբը երկար է մտածում նրա հնարավոր վաճառքի մասին։
Մենդիի շրջապատի հետ կապ են հաստատել այնպիսի ակումբներ, ինչպիսիք են «Արսենալը» և «Լիվերպուլը», սակայն վերջիններս բանակցություններ չեն սկսել՝ սպասելով հասկանալու, թե ով է դառնալու նոր մարզիչը։ Վերջերս խնդրանքով հանդես եկավ նաև «Մանչեսթեր Սիթին», որը ֆրանսիացուն համարում է Կայլ Ուոքերի իդեալական զույգ։
Նախկինում պաշտպանի նկատմամբ հետաքրքրություն էին ցուցաբերել նաև «Մանչեսթեր Յունայթեդը» և «Նյուքասլը», որոնք արդեն ուսումնասիրում են հնարավոր տրանսֆերի ֆինանսական պայմանները։ Այնուամենայնիվ, նշվում է, որ Մենդին հետաքրքրված չէ «կաչաղակների» առաջարկով, քանի որ ակումբը, ամենայն հավանականությամբ, հաջորդ մրցաշրջանում չի խաղա Չեմպիոնների Լիգայում : Բացի այդ, Նապոլիի հետաքրքրությունը մերժվել է ֆինանսական պատճառներով։
Վերջապես, «Բավարիան» դիտարկում է ֆրանսիացուն ձեռք բերելու տարբերակը: Եթե Ալֆոնս Դեյվիսը տեղափոխվի «Ռեալ», ակումբը կարող է դիտարկել ֆուտբոլիստների փոխանակման տարբերակը։
