«Բարսելոնան» պատրաստ է վաճառել Ռոնալդ Արաուխոյին, բայց միայն ավելի մեծ գումարի դիմաց։
Ավելի վաղ հաղորդվում էր, որ «Բավարիան» հետաքրքրված է կատալոնացիների և Ուրուգվայի հավաքականի 25-ամյա ֆուտբոլիստով։
Ինչպես տեղեկացնում է Diario Sport-ը, Արաուխոն «Բարսելոնայում» անձեռնմխելի ֆուտբոլիստ չէ: Նա մեծ պահանջարկ ունի, և վաճառքը կարող է զգալիորեն բարելավել ակումբի ֆինանսական վիճակը:
«Բարսան», որը վաճառքի կարիք ունի՝ ֆինանսական ֆեյր-փլեյի կանոնները չխախտելու համար, կլսի ուրուգվայցու տրանսֆերի վերաբերյալ առաջարկները:
Ակումբում կարծում են, որ կարող են ակնկալել 100 միլիոն եվրոյից ավելի գումար։ Եթե նման առաջարկ գա, դրանից հրաժարվելը գրեթե անհնար կլինի։
«Բարսելոնան» հավատում է երիտասարդ Պաու Կուբարսիին և կարծում է, որ մեկ այլ փորձառու պաշտպանի գալով, ով կարող է անվճար պայմանագիր կնքել, ակումբը խնդիրներ չի ունենա պաշտպանության կենտրոնում:
Արաուխոն հավանաբար դեմ չէ բարձր աշխատավարձով նոր ակումբ տեղափոխությանը։
Ռոնալդը հինգերորդ մրցաշրջանն է անցկացնում «Բլաուգրանայի» գլխավոր թիմում:
