«Մանչեսթեր Սիթիի» հարձակվող Ջեկ Գրիլիշը խոսել է իր խաղի մասին։
«Գոլերի և գոլային փոխանցման մասին խոսելը տարօրինակ է, քանի որ «Մանչեսթեր Սիթին» ինձ ակնհայտորեն գնել է 100 միլիոն ֆունտով, և ես չեմ կարծում, որ ես երբևէ մեկ մրցաշրջանում ութ գոլից ավելի եմ խփել: Սա ցույց է տալիս, որ նրանք ինձ չեն գնել, որպեսզի դառնամ Էրլինգ Հոլանդ՝ այսպիսի խելահեղ գոլահար։
Ակնհայտ է, որ ցանկանում եմ ավելի շատ գոլ խփել: Ո՞վ չէր անի: Մենք ֆուտբոլիստներ ենք, և սա լավագույնն է, որ կարող ենք անել։ Չեմ կարծում, որ Պրեմիեր Լիգայում անցկացրած իմ ամբողջ ընթացքում ութից ավելի գոլ եմ խփել, ուստի ենթադրում եմ, որ թիմը գիտեր, թե որքան շատ բան պետք է առաջարկեի այլ ոլորտներում։
Ինձ համար ամենակարևորը խաղալն ու հաղթելն է։ Անցած մրցաշրջանում, օրինակ, ես շատ հանդիպումներ եմ անցկացրել, բայց կարծում եմ, որ խփել եմ ընդամենը հինգ գոլ և կատարել 10-11 գոլային փոխանցում։ Դա այնքան էլ շատ չէ, բայց ես մեծ դեր էի խաղում հանդիպումներում։
Երբ ես «Ասթոն Վիլայում» էի, լինում էին դեպքեր, երբ ես 8 գոլի ու 15 գոլային փոխանցման հեղինակ էի կամ նման մի բան, ուստի ավելի շատ էին, բայց ես ոչինչ չշահեցի: Ո՞ր մրցաշրջանին եմ հետադարձ հայացք նետում և կարծում, որ հաջողված էր: Մինչև վերջինը։
Երբ ես խաղում եմ ճիշտ ռիթմով, ինձ կարևոր եմ զգում թիմի համար, և մենք միասին ինչ-որ բան ենք շահում, ապա դա կարևոր է: Երբ խոսում ես ֆուտբոլիստների հետ, ովքեր արդեն թոշակի են անցել, նրանք բոլորն ասում են, որ գլխավորը գավաթներ նվաճելն է: Սա այն է, ինչին դուք հետ եք նայում:
Ես 28 տարեկան եմ և ցանկանում եմ հնարավորինս շատ հաղթել մինչև կարիերաս ավարտելը, երբ դա լինի: Հուսով եմ, որ երկար ժամանակ կանցնի, մինչև դա տեղի ունենա, բայց նպատակն այս ակումբի հետ հնարավորինս շատ հաղթանակ տանելն է»,- Գրելիշի խոսքերն է մեջբերում Manchester Evening News-ը։
Ընթացիկ մրցաշրջանում հարձակվողը Պրեմիեր Լիգայում անցկացրել է 17 հանդիպում, որոնցում դարձել է 3 գոլի և մեկ գոլային փոխանցման հեղինակ։
