«Ռոման» դուրս եկավ Եվրոպայի Լիգայի 2023/24 մրցաշրջանի կիսաեզրափակիչ՝ «Միլանի» նկատմամբ 2:1 հաշվով հաղթանակի շնորհիվ, իսկ «Ատալանտան» դուրս թողեց «Լիվերպուլին»՝ չնայած երկրորդ խաղում 0:1 հաշվով պարտվելուն:
Իտալական թիմերի հաջող ելույթները նշանակում են, որ 2024/2025 մրցաշրջանում Ա Սերիայի հինգ թիմեր անպայման կմրցեն Չեմպիոնների Լիգայում։
Իտալիայի առաջնությունն իրեն երաշխավորեց լրացուցիչ տեղ Չեմպիոնների Լիգայում՝ ՈՒԵՖԱ-ի գործակիցների աղյուսակում մրցաշրջանի թոփ 2 լավագույն Լիգաներում հայտնվելու շնորհիվ։ Սա նոր կանոն է, որը կգործի հաջորդ Չեմպիոնների Լիգայից, որում մրցաշարի ֆորմատը լրջորեն կփոխվի։
Ինչպես հաղորդում է Football Italia-ն, հաջորդ մրցաշրջանում Սերիա Ա-ն ընդհանուր առմամբ ութ թիմ է պատվիրակելու եվրոպական առաջնություններին՝ հինգը Չեմպիոնների Լիգայում, երկուսը Եվրոպա Լիգայում և մեկը՝ Կոնֆերենցիաների Լիգայում:
Հատկանշական է, որ «Ռոման» Ա Սերիայի աղյուսակում այս պահին զբաղեցնում է հինգերորդ տեղը, իսկ «Ատալանտան» վեցերորդն է: Եթե այս ակումբներից մեկը հաղթի Եվրոպայի լիգան, բայց Ա Սերիայում զբաղեցնի հինգերորդից ցածր, ապա Սերիան Ա-ն կներկայացվի վեց թիմով 2024/2025 Չեմպիոնների լիգայում (առաջնության լավագույն հինգ ակումբները և ՈՒԵՖԱ-ի Չեմպիոնների լիգայի գավաթի հաղթողը) .