Մադրիդի «Ռեալի» գլխավոր մարզիչ Կառլո Անչելոտտին ամփոփել է Չեմպիոնների լիգայի քառորդ եզրափակիչի պատասխան խաղի արդյունքները, որում իր թիմը հաղթեց «Մանչեսթեր Սիթիին» 11 մետրանոց հարվածաշարում։
«Ինչպե՞ս բացատրել այս ամենը։ Լավ սկսեցինք, առաջ գնացինք, հետո էլ պետք է պայքարեինք գոլ բաց չթողնելու համար, պետք է տանջվեինք։ «Սիթին» վերահսկում էր, քանի որ մենք շատ խորն էինք պաշտպանվում:
Մենք շատ-շատ լավ պաշտպանվեցինք։ Մադրիդը ակումբ է, որը կառուցված է մշտական պայքարի վրա՝ դուրս գալու այնպիսի իրավիճակներից, որոնք կարծես թե ելք չունեն, բայց մենք միշտ ելք ենք գտնում։
Մինչ սկսվեց 11 մետրանոց հարվածաշարը, մենք լիովին վստահ էինք, որ առաջադիմելու ենք: Սա միակ ճանապարհն է Անգլիա այցելելու և հաղթելու համար։ Պեպ Գվարդիոլան ջենթլմեն է։ Նա շնորհավորեց մեզ, հաջողություն մաղթեց, և ահա թե ինչ է անում իսկական ջենթլմենը»,- Անչելոտտիի խոսքերն է մեջբերում ՈւԵՖԱ-ն։
