«Բավարիայի» նախկին նախագահ Օլիվեր Կանը պատմել է, թե արդյոք մյունխենյան ակումբը փորձել է ձեռք բերել ՊՍԺ-ի և Ֆրանսիայի հավաքականի հարձակվող Կիլիան Մբապպեին։
«Ոչ մի կոնկրետություն չկար։ Կիլիանին Փարիզից դուրս բերելն անհնար էր։ Մյուս կողմից, Հոլանդը «Բորուսիայի» հետ պայմանագրում ուներ ազատման կետ: Եթե սա հաշվի չառնեինք, ապա դա կլիներ անփութություն։
Մենք պետք է բացահայտեինք Եվրոպայի լավագույն հարձակվողներին և գնահատեինք, թե նրանցից ով կհամապատասխանի մեզ»,- Կանի խոսքերը մեջբերում է «Bayern & Germany»-ն X սոցիալական ցանցում (նախկինում՝ Twitter)։
